شێخ جەعفەر شێخ مستەفا سەردانی دامەزراوەی سەرۆک جەلال تاڵەبانی دەکات

 رۆژی سێشەممە رێکەوتی ۱۲ی نۆڤەمبەری ٢٠٢٤ شێخ جەعفەر شێخ مستەفا، لێپرسراوی ئەنجومەنی پاراستنی بەرژەوەنەدییە باڵاکانی یەکێتیی نیشتمانیی کوردستان سەردانی دامەزراوەی سەرۆک جەلال تاڵەبانی کرد و لەلایەن باڵێۆز د. محەمە سابیر، سەرۆکی دامەزراوە و بەڕێز یوسف زۆزانی، جێگری سەرۆکی دامەزراوەوە پێشوازی لێکرا.

 باڵیۆز د. محەممەد سابیر، وێڕای پەیگیریی لە بایەخی پشتیوانیکردنی هەڤاڵ شێخ جەعفەر و هەڤاڵانی تر بۆ دامەزراوەی سەرۆک جەلال تاڵەبانی، کورتە باسێکی سەبارەت بە کارو چالاکییەکانی دامەزراوەکە پێشکەشکرد، لەوانەش؛ چاپکردنی چەندین کتێب بە زمانەکانی کوردی و عەرەبی و ئینگلیزی لەسەر سەرۆک مام جەلال و ئەنجامدانی کۆڕبەند و کۆنفرانس لەسەر ئاستی عیراق، جگە لە کۆکردنەوەی ژمارەیەکی زۆر لە ئەرشیف و واژۆکردنی چەندین یاداشتی لێکگەیشتن لەگەڵ زانکۆکاندا سەبارەت بە کەڵک وەرگرتن لە توێژینەوەو ئەرشیفەکانی تایبەت بە سەرۆک مام جەلال.

شێخ جەعفەر شێخ مستەفا جەختیکردوە کە سەرۆک مام جەلال یەکێک بوو لە سەرکردە کاریگەرەکانی ناوچەکە و جیهان و ئەرشیفێکی گەورەو لە بننەهاتووی هەیە و دەکرێت کاری فراوان و هەمەلایەنە لەسەر کەلەپوورە دەوڵەمەندەکەی بکرێت.

هەڤاڵ لێپرسراوی ئەنجومەن ستایشی کار و چالاکییەکانی دامەزراوەکەی کرد کە هەوڵێکی بێ پەروا دەدەن لەپێناو ئەرشیف و دیکۆمێنتکردنی کەلەپوور و مێژووی پڕ بایەخی دوورو درێژی سەرۆک مام جەلال، هاوکات پشیوانی تەواوی خۆی بۆ کار و پلانەکانی داهاتووی دامەزراوەکە دەربڕی.

لەکۆتایی دیدارەکەشدا، سەرۆکی دامەزراوەی سەرۆک جەلال تاڵەبانی چەند کتێبێکی دامەزراوەکەی پێشکەش بەهەڤاڵ شێخ جەعفەر شێخ مستەفا کرد کە لەسەر ژیان و مێژووی سەرۆک مام جەلال نووسراون.