سەرۆکی دامەزراوەی سەرۆک جەلال تاڵەبانی، پێشوازی لە سەرۆکی بۆردی ئینستتیوتی نارین دەکات

رۆژی دووشەممە ٢٢ی ئایاری ٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی، پێشوازی لە خاتوو نەرمین عوسمان، سەرۆکی بۆردی ئینستتیوتی نارین و خەڵەف غەفور، خاوەن ئیمتیاز و سەرنووسەری ماڵپەڕی مەودا میدیا کرد.

 لە کۆبوونەوەیەکدا هەردوولا تاوتوێی پاراستن و کۆکردنەوەی ئەرشیفی سەرۆک مام جەلال -یان کرد، لای خۆشییەوە خاتوو نەرمین عوسمان، ئامادەیی تەواوی بۆ هاوکاریکردنی دامەزراوەی سەرۆک جەلال تاڵەبانی دەربڕی.