بۆیادی "سایەی شکۆمەندیی"

دیدگا و ڕێبازی ڕوونی "مام" سەرچاوەی هێز و ورەمانە.

      "مام" کە سیاسەتوانێکی وورد و بەدیقەتی بواری دیبلۆماسی دەگمەنی هەڵکەوتوو و بەدیهێنەری سەقامگیریی بوو لەهەرێم و عێراقدا، دەسکەوت و خەون، بەدرێژایی ژیانی لەپێناو دۆزی ڕەوای گەلەکەی و پاراستنی یەکڕیزیی و تەبایی لەعێراقدا، تێکۆشا.

      ئەمڕۆ کەیادی ماڵئاوایی دەکەینەوە نەک بۆ یەکێتیەکان ، بەڵکو بۆ گشت کوردستانیان و نەتەوە و مەزهەب و تائیفە و ئاینزاکان لەعێراق و خۆرهەڵاتی ناوەڕاستیشدا ژیانئاواییەکەی زامێکی بەسوێ و خەمێکی قوڵە.

      ڕوئیا و دونیا بینی " مام " خوێندنگەیەکی هێندە دەوڵەمەند و پڕ داهێنانە کە دەکرێ  بەڕێ و جێ و هەنگاوەکانی ئەودا، دەسکەوتەکان پتر و خەمڵیوتربکەین، پەند و ئەزموونیش لە هەوڵ و کۆششە دبلۆماسیەکەی وەربگرن و بیکەنە نمونەی بەرزی سیاسەتی ڕاستەقینەی حزبایەتی و نەخشەڕێی خزمەتهێن و لە پیادەکردن و ڕاستکردنەوەی ڕێچکەی حکومڕانیدا بەرجەستەی بکەینەوە.

    بۆیە لەمڕۆدا لەهەموو کات زیاتر پێویستیمان بە دیدگا و بۆچوونەکانی "مامە"ـە، سیاسەتی چەپکە گوڵەکە کە هەمیشە لە گوتار و ئاکاریدا ڕەنگدانەوەی هەبوو، ئێستا میراتگرانی "مام " لەپێشیانەوە سەرۆک "بافڵ" و لەدوای ئەویش تەواوی یەکێتیەکان وەک نەخشەڕێ و سیاسەتی حەکیمانەی ئەم قۆناغە لێی دەڕوانن و  لەخەباتی دیموکراسی و هەڵبژاردن و کارنامەکانی یەکێتیدا وەک سەرچاوەی هێز و وزە و ئیلهامبەخشی بەدیهێنانی خواستە ڕەواکانی گەل و نیشتمان بۆی دەگەڕێنەوە.

هەزاران دروود بۆ ڕۆحی سەرۆکی هەمووان

ڕێباز و فەلسەفەکەت هەردەم رۆشن و بەردەوام