دامەزراوەی سەرۆک جەلال تاڵەبانی یاداشتنامەی لێکتێگەیشتن لەگەڵ زانکۆی گەرمیان واژۆ دەکات

رۆژی چوارشەممە رێکەوتی ٣١ی ئایاری ٢٠٢٣ باڵیۆز د. محەمەد سابیر، سەرۆکی دامەزراوەی سەرۆک جەلال تاڵەبانی یاداشتنامەی لێکتێگەیشتن لەگەڵ بەڕێز پ. د. فەرهاد قادر، سەرۆكی زانكۆی گەرمیان واژۆ کرد.

لە یاداشتنامەی لێکتێگەیشتنەکەی نێوان دامەزراوەی سەرۆک جەلال تاڵەبانی و زانکۆی گەرمیان-دا هاتووە: "هەماهەنگی لەنێوان دامەزراوەی سەرۆک جەلال تاڵەبانی و زانکۆی گەرمیان کۆمەڵێک بوار لە خۆدەگرێت، لە وانەش بوارەکانی گەشەپێدانی مرۆیی، ئاڵوگۆڕی زانیاری، وەرگرتنی زەمالەی خوێندن بۆ زانکۆکە، ئەزموون و پڕکردنەوەی کەلێنەکان بۆ پێشکەشکردنی خزمەتگوزارییە پێویستییەکان".

 باڵیۆز د. محەمەد سابیر؛ لە کۆبوونەوەیەکی رۆژنامەنووسیدا لەبارەی لێکتێگەیشتنەکەوە وتی:

"ئێمە خەبات و قوربانی ئیدارەی گەرمیان لە بەرچاو دەگرین، لە چوارچێوەی ئەم لێکتێگەیشتنەدا زۆرترین پرۆژەمان لەگەڵ زانکۆی گەرمیان دەبێت".

"لە ئاییندەدا بە هاوبەشی لەگەڵ دامەزراوەی سەرۆک جەلال تاڵەبانی دەستدەکەین بە جێبەجێکردنی ناوەڕۆکی ئەم لێکتێگەیشتنە و دەیخەینە خزمەت خوێندکاران، دەبێتە هۆی سوودمەندبوونیان". بەڕێز پ. د. فەرهاد قادر، سەرۆكی زانكۆی گەرمیان وای بە رۆژنامەنووسان وت.